شعر و زجل >

الشكك ممنوع .... قصيده بقلم مصطفى محمود ابو ابراهيم‎



الشكك ممنوع
والحساب زاد علينا
والأمل مصنوع
بضحكة صفره
وألم فى بكره
الكل فيه موجوع
والشكك ممنوع
الإبتسامه كانت علامه
والقلوب فرحانه ياما
ومصر راجعه بالسلامه
شبعنا ذل معاه مهانه
رجعوا تانى قالوا الزعل مرفوع
والشكك ممنوع
أستلفنا وأعتكفنا
ولما شفنا الجرح نوحنا
وأنتفضنا كمان وثورنا
والدمـ غطى طريقنا
والكدب مش مسموع
والشكك ممنوع
بعدما تاهت القلوع
العسكرى بيشترى
كل حاجه ويفترى
وإن طالبته بالذى
كلامى مش مفهوم
وجبت شيخ يفهمه
طلع لسانه مقطوع
والشكك ممنوع
روحت للقاضى أشتكى
القاضى قاللى إختشى
حد يشكى العسكرى
خفت اقول ده مرتشى
يسجنى بالقانون
طب هو فين المشتكى
ماخلاص ده مات
لما شاف الكل نازل يشترى
مات من سكات
والجانى أصبح ثورجى
والثورجى منافق أيوه ومفترى
والحق طبعاً زاد عليه
لإنه ضيع من إيديه
فرط فى كل اللى ليه
وقولتله مفيش رجوع
ده الشكك ممنوع !!!




شاهد ايضا

0 Comments


اضافة تعليق