المجلة الثقافية >

باسنت خطاب تكتب : رائحه الموت



منذ ساعات اندلع حريق بالدور الاول بالمنزل المجاور لمنزلنا ...
يعود لأذنى صوت الجارة المقابلة عندما لاحظت الدخان المتصاعد من النافذة أمامها بدأت بعدها تحركات الجيران السريعة ،أحدهم يجرى ليتصل بالمطافىء وآخرون يحملون السلم ليحاولوا الدخول عبر النافذة بعد أن عجزوا عن كسر الباب ، تخرج احدى الجارات خرطوم المياة من نافذتها حتى يصل الى المنزل أمامها ...
ورغم كل هذا الوقت سيارة الأطفاء لاتصل ، والنيران لا تنطفىء ....
تزداد كثافة الدخان وتتحول السماء للون رمادى كئيب يمنع الرؤية ، يصعب من مهمتهم فى اقتحام المنزل عبر النافذة فحرارة النيران لا تطاق ....
تخنقنى رائحة الدخان الممتزجة برائحة أخرى أضع يدى على انفى لتجنبها ، ومع ذلك تقتحمنى تلك الرائحة الباردة الغريبة ، أشعر بالأختناق   فتتساقط دموعى رغما عنى !!!
وصلت سيارة الاطفاء بعد ساعة ونصف يفسح لها الرجال الطريق لتقوم بمهمتها ....
فجأة تتوقف الحركة ولاأسمع سوي الصمــــــت ....
حتى تخرج صرخة احدى السيدات بالشارع تكاد تقتلع أذنى ....
تذعر أمى تسـألنى :
- ايه اللى حصل ؟
-(يخرج صوتى ببطء ) بيقولوا واحدة كانت فى الشقة ماتت هى وبنتها ...
-( تطلق آنة مكتومة وهى تحاول منع دموعها ).... أنتى متأكدة ؟؟؟
-( اجيبها وانا استغرق بتفكيرى ) سمعتهم دلوقتى بيقولوا انهم ماتوا ....
لم أجرؤ ان أخبرها اننى شممت رائحة الموت الباردة ...، تنتابنى قشعريرة لتذكرها مرة آخرى فأعود لبكائى دون توقف ... !!!








شاهد ايضا

9 Comments


  1. 26/10/2010

    احساسها عالي يا بوسي ووصل للي بيقراها .جامدة

  2. 26/10/2010

    جامده موت ياباسنت بجد من الاخر

  3. 25/10/2010

    حسبيى الله ونعم الوكيل
    ربنا يرحمهم برحمته الواسعه
    د جاويش

  4. 25/10/2010

    بجد رائعه جميلا جدا يا بسنت يارب كده على طول فى تقدم

  5. 25/10/2010

    حلوة اوى
    انا عيشت اللحظة
    بس اول مرة اشوف الجانب ده من الموقف
    (

    رااااااااااااااائعة يا بووسسسسسسسسسسسسسسسسسى

  6. 25/10/2010

    عمل ممتاز
    و في إنتظار المزيد من إبداعاتك

  7. 25/10/2010

    يا الله جميلة اووووووووووووى بس حزينة

  8. 25/10/2010

    ابدعتى المرة دى اكتر
    ) جميلة اوى يا بوسي
    بالتوفيق يا قمر

  9. 25/10/2010

    قصة مثيرة فعلا وفى المواقف دى الواحد بيبقى بجد مش قادر يتحكم فى اعصابة ومشلول عن التفكير
    تسلم ايدك يا باسنت

اضافة تعليق